Sinalubong ng mga guro at estudyante ng Notre Dame Village National High School si Mayor Para sa Lahat Mohammad Ali “Bruce” dela Cruz Matabalao upang pasalamatan ito sa handog na sound system para sa kanilang paaralan.
Ayon kay Mayor Matabalao, isa ito sa kanilang mga hakbang upang suportahan ang education enhancement and development sa Lungsod ng Cotabato. Simula noon pa man ay maituturing na puso nito ang edukasyon. Nais lamang niya na maging handa ang mga pag-asa ng bayan sa panahong ang mga ito ay magiging produktibong miyembro ng komunidad.
Bilang alumnus ng paaralan, nagbigay ng mensahe si Mayor Matabalao sa mga estudyante. Huwag tumigil sa pagsusumikap para sa pangarap, dahil sino ang mag-aakala na ang isang tulad niya ay magiging alkalde ng Cotabato City para sa lahat.
Ibinahagi rin ng alkalde na karapat-dapat lamang na mapahagiaan ang eskwelahan dahil dalawang dekada na ang tagal ng kanilang sound system. Kaya’t walang ibang paraan ang NDVNHS kundi magrenta ng sound system.
Malaki ang pasasalamat ng mga guro at estudyante dahil mayroon na silang magandang sound system worth 200,000 pesos na kanilang magagamit bukas sa graduation ng Senior High School at Moving-Up Ceremony naman ng kanilang Junior High School sa susunod na araw.
Comentarios