Dala-dala ng mga opisyal mula sa Philippine Charity Sweepstakes Office (PCSO) Cotabato Small Town Lottery ang mga gamot at ilang supplies upang ipagkaloob ito sa Cotabato City Government na siyang pinamumunuan ni Mayor Para sa Lahat Mohammad Ali "Bruce" dela Cruz Matabalao.
Ang donasyon na ito na nagkakahalaga ng PhP15,000 ay tinanggap ni Atty. Nes Hashim Biruar Lidasan na siyang nagsilbing kinatawan ng alkalde. Nag-abot naman ito ng taos-pusong pasasalamat sa PCSO sa inihandog nito na siyang mapapakinabangan ng mga Cotabateños.
Ayon sa PCSO, ang nag-udyok sa kanila na magbigay ng donasyon ay ang pagsuporta nito sa ginagawang pamamalakad ng kasalukuyang administrasyon kung saan, wala itong pinipili at adhikain lamang na makapaghatid ng serbisyo publiko para sa lahat.
Nangako naman ang kanilang opisina na bukas ang kanilang mga pinto para sa Cotabato City Government kung sakali na may kinakailangan ang lokal na pamahalaan sa kanila, lalong-lalo na para sa ikakaunlad ng lungsod at para sa ikabubuti ng bawat Cotabateños.
Comments