Nagsagawa ng Medical Mission at Operation Tuli ang 8th Avenue Group of Ventures katuwang ang Office of the City Mayor – Youth Development Office at City Health Office ng Lungsod ng Cotabato sa People’s Palace Grounds na siyang nagsimula ngayong araw, April 12 at magtatapos bukas April 13, 2023 mula 8:00 A.M. hanggang 10:30 A.M.
Sila ay naghatid ng libreng Medical Consultation at pamimigay ng mga gamut sa mga nais magpakonsulta. Maliban pa sa libreng tuli, namimigay rin sila ng mga gamut laban sa infection upang maiwasan ang komplikasyon ng mga nakatanggap ng libreng tuli.
Halo-halo naman ang naging pakiramdam ng mga batang ipinakita ang kanilang katapangan sa murang edad pa lamang. Ang ilan sa kanila ay nasasabik at ang ilan naman ay nag-aalangan na ituloy pa ang kanilang operasyon. Sa kabila nito, kasama nila ang kanilang mga mahal sa buhay upang maghatid sila ng suporta at iparamdam sa kanila na wala silang dapat ikabahala.
Comments