Alinsunod sa pagdiriwang ng Linggo ng Kabataan 2023, inilunsad sa araw na ito, August 9, 2023, ang Job Skills Workshop and Job Fair Event sa People’s Palace Lobby, Rosary Heights 10, Cotabato City na siya namang dinagsa ng mga nais makakuha ng trabaho mula sa iba’t ibang kumpaniya sa lungsod.
Naririto ang KCC Mall of Cotabato, STI Cotabato, Citi Hardware at marami pang iba. Naririyan rin ang Negosyo Center of Cotabato City upang maghatid ng libreng consultation hinggil sa mga solusyon na kinakaharap ng isang negosyante. Naririyan rin ang Alternative Learning System (ALS), Social Security System (SSS) PhilHealth at Pag-IBIG.
Magsisilbi itong pagkakataon sa mga kabataan ng Cotabato City upang maging isang ganap na aktibong mamamayan ng lungsod.
Sa pamamagitan nito, magakakaroon na sila ng pagkakakitaan at magkakaroon na sila ng kakayahang maabot ang kanilang mga pangarap, matugunan ang kanilang mga sariling pangangailangan o makatulong sa kanilang mga mahal sa buhay.
Comments