Ipinagdiriwang ngayong araw, August 8, 2023 ang pagtatapos ng mga mag-aaral mula sa Alternative Learning System o ALS na isinagawa sa Sero Central School, Sinsuat Avenue, Cotabato City.
Ipinaabot naman ni Atty. Nes Hashim Biruar Lidasan ang mensahe ni Mayor Para sa Lahat Mohammad Ali “Bruce” dela Cruz Matabalao. Ayon sa alkalde, isa sa kaniyang mga programa at layunin ay ang mapaganda at mapalakas ang edukasyon sa Cotabato City at mas maging accessible pa ito sa karamihan, na siyang makakamit tungo sa ASL.
Nang sa gayon ay magkaroon ang mga Cotabateños ng pagkakataon na makamit ang kanilang mga pangarap. Sa kasalukuyan, sinisikap ng administrasyong para sa lahat na maipagpatuloy at mas marami pang mga mamamayan ang maisasama sa ALS. Ipinapahatid din ng alkalde ang kaniyang suporta sa mga ito at nawa’y maging matagumpay sila sa bawat landas na kanilang tatahakin.
Komentar