Nagtagumpay ang mga atleta ng Lungsod ng Cotabato na masungkit ang Overall Champion sa isinagawang 2nd BARMMAA Meet 2023 na siyang iginawad sa Cotabato State University Sports Complex ngayong araw, May 29, 2023.
Itinanghal rin na Champion ang Schools' Division of Cotabato City sa Elementary Level kung saan, sila ay nakakuha ng 25 Gold Medals, 18 Silver Medals at 9 Bronze Medals. Pumangalawa naman ang Schools' Division of Maguindanao II na may 18 Gold Medals, 18 Silver Medals at 16 Bronze Medals. Ikatlo naman ang Maguindanao I na may 17 Gold, 23 Silver at 11 Bronze Medals.
Kampyeon din ang Cotabato City para sa Secondary Level kung saan, nakasungkit sila ng 42 Gold, 36 Silver at 38 Bronze Medals. Ikalawa naman ang Maguindanao II na may 32 Gold, 37 Silver, at 25 Bronze Medals. Ikatlo naman ang Lamitan City na may 27 Gold, 15 Silver at 19 Bronze Medals.
Sa kabuuan, overall champion ang Cotabato City, na siyang sinundan ng
Maguindanao II (1st runner up),
Maguindanao I (2nd runner-up),
Tawi-Tawi (3rd runner-up),
Lamitan City (4th runner-up),
Lanao del Sur II (5th runner-up),
Sulu (6th runner-up),
Basilan (7th runner-up),
Lanao del Sur I (8th runner-up),
Marawi City (9th runner-up),
at Special Geographic Area (10th runner-up).