Ipinagdiriwang ngayong araw ng Muslim Community sa Lungsod ng Cotabato ang Eid’l Fitr o pagtatapos ng Ramadan. Ito ay makaraang magkaroon ng moon sighting ang Bangsamoro Darul Ifta noong Huwebes, April 20.
Dahil dito idineklara ang araw na ito, April 22, para sa opisyal na pagtatapos ng Ramadan at petsa para sa Eid’l Fitr congregational prayer.
Ang nasabing pananalangin ay bahagi ng selebrasyon ng pagtatapos ng Ramadan. Maaga pa lamang ay nagsama-sama na ang daan-daang Muslim Cotabateños para sa early morning congregational prayer.
Nagtalaga naman ng police personnel, BM Patrol, Public Safety Personnel at CDRRMO sa mga estratehikong lugar sa lungsod para magpanatili ng seguridad at kapayapaan.
Comments