Punong-puno ng energy ang mga tsikiting sa Citymall of Cotabato para sa kanilang Moving Up Ceremony.
June 7, 2023.
Kaniya-kaniyang diskarte ang mga magulang at guro ng mga tsikiting kung papaano sila panatilihing kalmado and at the same time ay maligaya sa kanilang selebrasyon. May iilan na malikot sa kanilang mga upuan, ang ilan naman ay nakatulala, at yung iba naman, ay panay ang iyak sa kanilang mga magulang o guardian dahil gusto nang umuwi.
Sa kabila nito, ayon kay Mayor Para sa Lahat Mohammad Ali "Bruce" Dela Cruz Matabalao na siyang ipinabatid ni City Mayor Representative Atty. Nes Biruar Lidasan, napakahalaga ng edukasyon sa mga kabataan, lalo na kung makukuha nila ito sa murang edad pa lamang.
Dagdag pa niya, kabilang ang komunidad sa tutulong sa pagpapalaki sa mga batang ito, na siyang nagiging kaakibat ng mga magulang. Balang-araw, magiging miyembro rin sila ng komunidad na siya namang huhubog sa susunod na henerasyon, kung kaya't ang pagbibigay ng wastong edukasyon ang tutulong sa pagpapaunlad ng ating lungsod.
Comments