Nakipagkita ang mga sumasagawa sa pagsasakatuparan ng ABC+ Project sa Cotabato City kay Mayor Para sa Lahat Mohammad Ali "Bruce" dela Cruz Matabalao sa People's Palace, Rosary Heights 10, Cotabato City noong, July 3, 2023.
Ang ABC+ Project o Advancing basic Education in the Philippines ay isang proyekto na nakapokus sa early grade education na siyang sinusuportahan ng United States Agency for International Development katuwang ang RTI International at Asia Foundation.
Naging pokus ng kanilang diskusyon ay ang posibleng pagsasanib pwersa ng kanilang organisasyon katuwang ang Cotabato City Government sa pagbuo ng BM Project o Batang Mahusay Project, kung saan, ito ay naglalayong matugunan ang mga pangangailangan sa edukasyon ng mga kabataan sa Lungsod ng Cotabato.
Ang pinagkaiba nito sa ibang proyekto ay maaaring tumulong ang sinumang organsisasyon upang makumpleto at maisakatuparan ang proyekto. Layunin nitong makakuha ng makabuluhang resulta na siyang makikita mula sa husay at galing ng bawat mag-aaral na makakabenepisyo sa nasabing proyekto.
Sa panahong ito ay magiging matagumpay, maaari itong gamitin ng iba pang lalawigan o lungsod upang magsilbing gabay kung papaano nila reresolbahin ang kani-kanilang mga suliranin sa edukasyon. Sa ngayon, inaaasikaso na ang pag-survey ng kasalukuyang sitwasyon ng edukasyon sa lungsod upang mabigyan na ito ng karampatang solusyon.
Comments