Isinagawa sa araw na ito, July 31, 2023 ang 28th Culmination Ceremony Police Community Relations Month sa Cotabato City Police Office Headquarters sa PC Hill, Rosary Heights I, Cotabato City at mayroon itong temang: Serbisyong Nagkakaisa Para sa Ligtas at Maunlad na Pamayanan”.
Ayon naman kay Mayor Para sa Lahat Mohammad Ali “Bruce” dela Cruz Matabalao, na siyang inihatid ni Atty. Nes Hashim Biruar Lidasan bilang kinatawan ng alkalde, bago pa man siya nakapasok sa politika, hinihiling nito na sa bawat paggising nito ay hindi siya mababahala sa kaniyang seguridad at kaligtasan niya at ng kaniyang pamilya.
Sa kasalukuyan, napapalitan na ang pananaw sa ating mga pulisya, mula sa nangongotong lamang upang makapag-meryenda, ngayon, tumaas na ang porsyento ng mga mamamayang sumusumbong sa mga pulisya, ebidensya sa tumataas na tiwala sa ating City PNP.
Ngayon, kahilingan ni Mayor Para sa Lahat Matabalao sa ating pulisiya sa pangunguna ni City Director PCOL Querubin Manalang Jr., na nawa’y kanilang ipagpatuloy ang pagpapatibay at pagpapalakas ng mga kasalukuyang proyekto at mga susunod pang kolaborasyon sa iba pang institusyon alang-alang sa kapakanan ng Cotabateños.
Comments